Chief Minister-in Airport-a hnathawh a enfiah

Chief minister Zoram­thanga hoin nimin zing khan Aviation Committee chuan Lengpui Airport leh a chhehvela hmalakna hrang hrangte an enfiah.

Special Central Assis­tance (SCA) aṭanga hmuh cheng vbc. 15.87 hmanga airport terminal building thawm ṭhat hna thawh mek an enfiah a; terminal building thawm ṭhatah hian departure lounge thawm ṭhat hna 80% leh arrival lounge thawm ṭhat hna 60% zawh a nih tawh thu sorkar thu­chhuahin a tarlang.

North Eastern Special Infrastructure Development Scheme aṭanga sum hmuh cheng vbc. 19.59 hmanga hna­thawh mek terminal buil­ding luhna elevated road leh departure ramp pahnih siam te, baggage make-up area, centralised air condition, internal elec­trification, con­veyor belt, isola­tion parking bay, parallel drain, runway bula culvert siam, security personnel CRPF awmna tur in sak mek, terminal building châwmtu tur tuizém siam mek leh páwn lama canteen siamte an en bawk.