Minister-in Saituala sorkar hmalakna a tlawh

Minister Dr R Lalthangliana chuan nimin khan Saitual khawpui a tlawh a, Saitual College leh damdawi-in tihchangtlunna tura sorkar hmalaknate a enfiah.

Health minister Dr R Lalthangliana hian Saitual damdawi-in a tlawhnaah thu sawiin, "Tun hnaiah World Bank aṭangin Mizoram sorkarin hriselna lam tihhmasawnna atana cheng nuai 28,400 a hmu a, hei hian Mizoram hriselna kawngah hmasawnna nasa tak a thlen dawn a ni," a ti a, sum chu thingtlang lamin a hlâwkna an tèl nasat zual dawn thu a sawi.

District thar pathuma chief medical officer pisa sakna tur World Bank aṭanga sum hmuh hmangin ruahman a nih tawh thu sawiin R Lalthangliana chuan, "Saitual CMO atan pawh Rs. 4,00,00,000 ruahman a ni a, hna ṭan thuai tum a ni. Medical Superintendent pawh dah tum a ni a, staff pawh a theih dan kawng dapa indah belh tum a ni," a ti.

Higher & Technical Education minister R Lalthangliana hian Saitual College sak thar a en nghal a, "Zirna-in leh hmunhma ṭha zawk sorkarin sum tam tak sénga a siamte ṭha taka vil a ngai. A pawimawh ber erawh chu zirtirna ṭha hmanga zirlaite chhawr tlak leh mi puitlinga chher a ni," tiin a sawi.

Minister hian Saitual Chhimvenga cheng nuai 150 sénga sak market building, Ṭamdil kawnga Saitual KVI sawnna tur leh DC pisa tur sak mekte a tlawh bawk.