Zirlai thlahna hun hmang

Laithangpuii College of Pharmacy chuan nimin khan Diploma in Pharmacy zirlai chhuak tur mi 55-te pualin Berawtlanga Art & Culture Auditorium-ah Graduation Ceremony vawi 5-na an buatsaih a, Lok Sabha MP C Lalrosanga'n a hmanpui.

MP C Lalrosanga chuan, zirlai ti ṭhate hnenah lawmman a sem a; fuihna thu sawiin, zirlai chhuak turte chu damdawi dik taka hman a nih theih nan mawhphurhna pawimawh tak an nei tih hria a, khawtlang hriselna atana an thiamna leh finnate theihtawpa hmang turin a chah.

Laithangpuii College of Pharmacy hi kum 2013-a din a ni a, Mizoram bakah Manipur, Assam, Nagaland, Sikkim leh Tripura aṭangin zirlai an awm ṭhin a, mi 104-in an zir chhuak tawh a ni. Pharmacy Council of India-in kum tin zirlai 60 lak phalna a pe a, State Council for Technical Education hnuaiah an exam ṭhin a; zirlai 101 an awm mek a ni.