MZU-ah AEDP siam a ni

Mizoram University chuan zirlai, graduate course zir paha on-the-job training experience nei duhte tan Apprenticeship Embedded Degree Programmes (AEDP) a duang a, course thar pahnih - apprenticeship embedded B.Com. degree leh apprenticeship embedded BBA degree a awm.

MZU tarlan danin, AEDP hi UGC pawmpui a ni a; a tum ber chu, zirlaite'n lehkha an zir paha hna thawhna remchang siamsak a, an hma hun thlir chunga tawnhriat neihtir a ni. Work experience an neih theih nan AEDP hnuaia zirte chu kum thum chhung on-the-job training neihpui an ni dawn a, Minimum Wages Act angin thla tin hlawh an nei bawk ang.

AEDP hnuaiah hian pawl 12 zo tawh tan dil theih a ni a, dil hun hawn mek niin, April 30, 2021 thleng dil theih a ni dawn. Hre chiang duh tan www.mzuonline.in ah emaw, phone no. 8104800196-ah biak theih a ni.