MNF chak dan chu Mizoram mipuiin pawm harsa an ti - MPCC thupuangtu

MPCC thupuangtu leh Media chairman Dr Lallianchhunga chuan, VC, LC, LADC leh AMC inthlana MNF party-in hnehna an chan dan chu Mizoram mipuiin thinlung taka pawm harsa an ti hle niin a sawi.

Nimina Congress Bhavan-a political session-a thu sawitu Dr Lallianchhunga chuan, Mizorama MNF sorkar hnua inthlan chi hrang hrang awm tawhte chungchang sawiin, "MNF party ruhkawlte hlim mah se Mizoram mipui náwlpui erawh an hlim lo a, mipuite'n an lawmpui thei chuang lo. Term chanve chhunga anni anga mipuiin an nin sorkar Mizoramah a la awm ngai lo," a ti.

MPCC Media Chairman chuan, Serchhip biala by-election awm turah an party candidate PC Laltlansanga chu Serchhip bial tan a ṭha ber nia sawiin, "Party dang candidate-te hi Pu PC Laltlansanga hmangin inchaksiak, inkhalh ngilsiak, in chêt ṭhat siakah kan cho a ni," a ti a; ZPM-in 'Min enchhin ve rawh u' ti ṭhin ni mah se, a hnârkaitute chu party hrang hranga lo awm tawh, enchhin tawh an nih thu a sawi.