COVID-19 SOP THAR A CHHUAK

Mizoramah Covid-19 vei an pun leh tâk avangin April 9, 2021, Zirtawpni zan hian inkaihhruaina (SOP) a tichhuak a, hman nghal tur a ni.

SOP thara pawimawh zualte

🔹District khawpuiah zan dar 8:30 leh zing dar 4:00 inkarah curfew puan a ni.

🔹Zanah inkhawm phal a ni lo.

🔹Inkhawmnaah zaiho leh hla sak phal a ni lo. Hei hian solo, duet, trio leh quartet-te pawh a huam.

🔹Inkhawmnaah thutnaa leng zat chanve aia tam tel phal a ni lo.

🔹Chhiatni/ thatni-ah ei leh in siam/sem loh tur.

🔹Middle school chin hnuai lam sikul kai rih lo tur a ni a, online-in zirna kalpui tur.

🔹May 4, 2021 atanga sikul luh ṭan tura ruahman tawh chu sût a ni.

🔹State páwn aṭanga Mizorama lutte an rawn luhna (point of entry)-ah RAT hmangin swab test tih vek tur. Negative-te chu fimkhur takin, mi dang nena awmho loin ni 7 chhung an inkhung hrang ang. RT-PCR/TrueNat test negative-te chu inkhung a ngai lo.

🔹Minister-te public interview khar rih a ni.

🔹District khawpuiah dawr, hotel, restaurant leh sumdawnna hmun dangte chu zan curfew ṭan hun hma bawh buai lo tura hawn theih a ni.