DC-in journalist-te a kâwm

Lunglei bawrhsap thar K Lalrinzuali chuan nimin khan pisa a kai ṭan a, Lungleia thuthar thehdarhtute kâwm nghalin, hmasawnna atana hmalakna hrang hrangte a sawipui.

K Lalrinzuali chu, thuthar thehdarhtute chu Lunglei district dinhmun hrechiangtu leh kawng hrang hranga district hmasawnna thlithlaitu leh viltu an nih thu sawiin, an thurâwn leh finchhuahna a mamawh tur thu a sawi a, "Journalist-te hi kan ram inrelbawlna democracy vawng nung zel turin an pawimawh tak zet a ni," a ti.

Lok Sabha inthlan awm turah thuthar theh­darhtute'n mawphurhna sang tak an nei tih sawiin Lunglei DC chuan, "Sor­kar hmalakna hrang hrang puanzar kawngah leh deptt-te fin­chhuah kawngah media-te thawhpui ka duh a ni," a ti a; thuthar thehdarhtute chu a ṭha zawnga mipui kaihruaitu leh ram hma­sawn zelna tura kawng kawh­hmuhtu ni zel turin a chah.

Lunglei District MJA president H Lalthansanga leh MJA member dangte pawhin an ngaih pawi­mawh zawng leh an mamawhte Lunglei DC an hrilh a ni.