Zirna lama hmalakna thlirho

Champhai District Education Committee chu nimin khan dis­trict bawrhsap Dr Na­veen Agarwal hoin DC conference hall-ah an

ṭhu­khawm a; zirna lama Champhai district hma­sawnna tura hma­lakna hrang hrangte an thlirho.

Meeting-a SSA Mission DPC K Lalsiam­liani tarlan danin, Cham­phaia girls hostel leh Khawzawla boys hostel-te chu tluang taka kalpui zel a ni. Sikul pangngai awm lohna khua - Saikhumphaiah non-residential special training centre tluang taka kalpui a ni a, sorkar sikul zirtirtu awm lohnaah leh pakhat chauh awmnaahte special trainer 14 dah a ni. Vohbik naupangte pualin kum tin hun hman a ni a, vohbik mi 50 vel hnenah thilpek an pe ṭhin.

Meeting-ah hian Grass­root Football Aca­de­my Centre 11-te chu tluang taka kalpui zel a nih thu te, school building ṭha tawh lo 24 sak ṭhat zawh a nih tawh thu te, khawtlang zirna ngaih pawimawh a nih theihna atan zirtirtu leh SMC Chairman-te tan training buatsaih thin a nih thute tarlan a ni bawk.

Girls hostel-a lut tur thlan dan tihdanglam rawtna chu meeting hian an pawm a; kumin finan­cial year atana fund pawmpui aṭangin procure­ment tihdan turte sawihoa pawm a ni bawk.