KHAWTHLIR

In kâng
March 3, Pathianni chawhnu 1:40 vel khan CTI Sesawng khuaa Lalṭanpuia in chu a kâng a, bungrua chuh hman lohin a kâng ral. Thu dawn danin, in a kan ṭan laiin Lalṭanpuia te chhungkua, member palite chu an inkhawm vek a, mihring thi leh hliam awm lo mah se, an ar vulh 30 chuang chu a kang hlum deuh vek a ni.

Thisen pe
Mizoram UPC-a Penticostal Youh Department (PYD), Chawnpui Bial leh Bawngkawn Bialte chuan nimin khan Mizoram PYD din champha vawi 58-na lawm nan Aizawl Civil Hospital tan thisen unit 47 an pe a, a petute mipa 31 leh hmaichhia 16 an ni.

EVM endik
Kumina Lok Sabha inthlanpui awm tura Champhai district-a hman tur electornic voting machine (EVM) leh voter verifiable paper audit trail (VVPAT)-te chu nimin khan official-te kaihhruaina hnuaiah political party aiawhte'n an endik. Nimina endik tâk EVM leh VVPAT-te hi awareness campaign neihna atana hman a ni ang.

Special camp
Election Commission of India (ECI)-in Lok Sabha inthlanpui awm tura India khua leh tui dik tak vote thlak thei chinte'n kim taka vote an thlak theih nana final electoral roll-a lut hman lo, January 1, 2019-a kum 18 tIing tawhte tan electoral roll-a inziah Iuh lehna hun special camp buatsaih turin a ti a; nimin khan Lawngtlai district chhunga polling station hrang hrangah special camp buatsaih a ni.

Art Exhibition
Indian Council for Cultural Relations (ICCR), Art Novelty Gallery, Aizawl leh Art & Culture department ṭangkawp chuan March 2, Inrinni zan khan Vanapa Hall-ah 'Cultural Mosiac: An International Art Exhibition' an buatsaih a, Art & Culture minister R Lalzirliana'n a hmanpui. R Lalzirliana chuan, Mizoram chhung mai ni lo, India ram páwn aṭangin lemziak thiamten an kutchhuak pholan a ni tih sawiin, "Exhibition hi Mizoram tan art lama hmasawnna lungphûm pawimawh tak a ni," a ti.