Sorkarin hmasawnna A ngai pawimawh - K Lalrinliana

Kolasib bialtu MLA K Lalrinliana chuan nimin khan a bial chhunga khaw hrang hrang a tlawh a, hma­sawnna sorkarin a ngaih pawimawh thu a sawi.

K Lalrinliana chuan Pangbalkawn, Meidum leh Bairabi-te tlawhin, hnathawh reng reng chu a ṭha tur a nih thu sawiin, "Rotling tlaka siam/ thawh tur a ni a, ruahmanna awmze nei siamin intodelhna rilru pu chunga hnathawh a pawimawh a ni. Hmasawnna sorkarin a ngai pawimawh a, ei leh bara intodelh hi hnam hmasawnzia a ni," a ti a, tu leh fate chhawm zel tlak khawpa intodelh a ṭul thu a sawi.

Fisheries Minister chuan an bial chhuan sangha thar chhuah theihna sang tak an neih thu sawiin, "Sangha khawituten awmze nei takin society din in kalpui se, sangha khawi na kawngah hlawk zawkin an kalpui thei ang a, market pawh a ṭha leh zual ang," a ti.

Kolasib Bialtu MLA hian Pangbalkawn, Meidum leh Bairabiahte hian an mamawh hrang hrangte enfiahin, khawtlang hruaitute nen hmalak dan tur an sawiho.