Political Education Campaign buatsaih

Serchhip biala MLA by-election neih tur pualin Synod Social Front chuan nimin khan Serchhip bial chhunga Presbyterian kohhran 16-ah Political Education Campaign an buatsaih.

Political Education Campaign hi chawhma leh chawhnu inkhawmah neih a ni a, Serchhip khawpuia tualchhung kohhran pakua, Thenzawlah kohhran paruk leh Buangpuiahte hun hman a ni.

Campaign-ah hian inthlanna felfai, dik leh thianghlim a awm theih nan kohhran mipui fuihna te, sum leh therhlo laka fimkhur tura infuihna te, roreltu Pathian ruat a nih anga Pathian duh zawng an thlan theih nan vote thlak ngai pawimawh tura fuihna thute leh, politics siamṭha tura kohhran mawhphurhna leh pawimawhnate an inzirtir a ni.

Political Education Campaign team leader Rev. Lalrinthara chuan, Mizoram Synod-in party duhsak bik a nei lo tih a sawi a, "Political party zingah Synod-a tlatlum bik an awm lo," a ti.