NLUP Implementing Board Tihtâwp a ni
Mizoram sorkar chuan February thla tawp aṭang khan NLUP Implementing Board (NIB) a titawp. NIB tihtawpna notification chu Governor-in February 25, 2019 khan a tichhuak.
Governor-in notification a tihchhuaha a lan danin, NLUP nodal department - Agriculture department chu NIB tihtawp famkim a nih theihna atana hma la tura hriattir a ni a; NLUP line deptt dangte'n NLUP an kalpuina pawh March 25, 2019 hmaa titawp tura hma la tura hriattir a ni bawk.
Hetih lai hian, NLUP Implementing Board-a thawkte awm dan tur tihfel a la ni lo. Board-ah hian sorkar hnathawk nghet, deputation-a awm leh sorkar hnathawk nghet lo, NIB atan liau liaua lak an awm a ni.