Hmalakna tura ruahmanate sawiho

Mizoram Tourism Development Authority chu nimin khan an chairman Robert Romawia Royte, Tourism minister hoin a pisaah an ṭhukhawm a; hmalakna hrang hrang kalpui mek leh kumin chhunga an hmalakna tur ruahmante an sawiho.

Meeting-a tarlan dan­in, Integrated Development of New Eco-Tourism under Swadesh Darshan-I hnuaia Thenzawl, Reiek leh Zote South-a project kalpui mek 79.77% thawh tawh a ni a; hnathawh tura ruahman la tih loh la awmte chu a rang lama tih a nih theih nan na zawka contractor-te nawr a ṭul. March 2019-a thawh zawh tura hna ruahmante a hun taka thawh zawh a nih theih nan uluk zawka vil a ṭhat thu sawi a ni.

Swadesd Darshan–II hnuaia hnathawhte pawh uluk lehzuala vil a, Zoram rotling siam ngei tura hna thawh uluk a nih theih nan ṭan lak a ṭul thu an sawi bawk.