Pulwama martarte chibai bûk

Pulwama, Jammu & kashmir-a sipai martarte zahna lantir nan nimin khan Raj Bhavan circular lawn-a Fallen Soldier Battle Cross (Silai inphun ding, sipai lukhhum khumtir) siam a ni a; Soldier Battle Cross hmaah Governor Kummanam Rajasekharan chuan Pulwama-a martarte zahna lantirin pangpar a dah a, zahna chibai a bûk.

Governor chuan, ram tana nunna hlantu CRPF sipai rualte zahna chibai an bûk tih sawiin, "Kan sipaite hi kan pasalṭhate an ni. Ni tin hmun ráltí-ah hna thawkin khua leh tuite kan himna turin an theihna zawng zawng an hlan ṭhin a, kan chhuang tak zet a ni," a ti.

Larsap chuan, Pulwama-a martarte chu ram pasalṭhate an nih thu sawiin, "Kan zingah awm tawh lo mahse kan thinlungah chuan an nung reng tawh dawn. An huaisennate hian kan mittui hru hul se la, ram tana kan theihna zawng zawng nen kan hmalam hun kan hman theihna tura chakna min petu ni zawk rawh se," a ti a; nimina an thil tih chu lungngaia ṭahna tur a ni lo a, chakna thar nen ram leh hnam inpumkhatna leh chak zualna tura intiam thar lehna hun a nih thu a sawi.