Hnathawktute Rs. 3,000 pek an ni dawn

Labour, Employment, Skill Deve lop ment & Entrepre neurship (LESDE) minister Lalchhandama Ralte chuan, Mizoram Building & Other Construc tion Workers Welfare Board (MBO CWWB) mem berte bank account-ah Rs. 3,000 ṭheuh naktukah thun a ni dawn tih a puang.

Lalchhandama Ralte hian Inrinni khan thuchah tichhuakin, Covid-19 vanga inkharkhip mek a nih avangin MBOCWWB member-te'n hna an thawh theih loh thu a tarlang a, "Member 50,000 chuang kan neihte hi in bank account-ah Rs. 3,000 ṭheuh April 7 aṭang hian kan thun ṭan dawn.

Bank account la tifel chiang lo te, mahni awmna District Registering Officer-te hnena account number la hrilh lote pawhin a rang thei angin in account number-te hriattir rawh u. In chhuak thei lo a nih pawhin, Whatsapp hmang-te pawhin in account thlalak in thawn thei ang," a ti. MBOCWWB sum chhùn luh labour cess chu MBOCWWB member-te tan chauh hmang loin, Mizoram mipui tana hman ṭul an tih thu sawiin LESDE Minister chuan, "Tuna kan ruahman dan chuan buhfai a thlâwna kan semna tur atan cheng nuai 500 kan dah.

Kan member-te inhlawhfa thei lo a an awm tâk rih avanga ṭan pui na pek turin cheng nuai 1,500 kan ruahman a ni," a ti a; Covid-19 vanga harsatna tawh chhunga chhawmdawlna atan a vaiin cheng nuai 2,000 ruahman a nih thu a sawi.