Pawl 12 science zirna dah dawn

School Education minister Lalchhandama Ralte chuan, Tlabung Higher Secondary School-ah science subject zirna hawn thuai tum a nih thu a sawi.

West Tuipui bialtu MLA Nihar Kanti Chakma-a'n nimina a kawmnaah Lalchhandama Ralte chuan, Tlabung HSS-ah science subject zirna tur hawn thuai tum a nih thu leh, zirtirtu lakna turin advertisement tihchhuah nghal tum a nih thu a sawi a ni.

Nihar Kanti Chakma chuan, Tlabungah pawl 12 zirna tur building a hranpaa sak a ngai dawn tih a sawi a; chumi chungchangah chuan School Education Minister chuan, cheng nuai 130 vêl sêngin science subject zirna tur building sak tum a nih thu leh, sanction tender koh thuai tum a nih thu a hrilh a ni.