Hnahthialah hmalak dan tur sawiho

Hnahthial District Task Force on Covid 19 (DTF) chu nimin khan an chairman H Dolianbuaia, bawrhsap hoin a pisaah an ṭhukhawm a, hmalak tawhna leh hmalak zel dan tur an sawiho.

Meeting chuan, quarantine centre-a hman tur khum 20 awmna Hnahthial College boys hostel leh covid care centre atan khum 20 awmna KVK Farmer's Hostel-te a ṭul huna hman theih turin ruahman ni se, VTF tinte'n an huam chhungah state pawn aṭanga lutte chhinchhiahin, zan lamah curfew khauh zawka kalpui ni se, an ti.

Hnahthial district-ah hian swab sample 2,296 endik a ni tawh a, Covid-19 vei mi 23 hmuh chhuah a ni tawh a, district páwnah Hnahthial district mi pali hmuh chhuah a ni tawh bawk. Tun dinhmunah hripui vei mi pahnih enkawl mek a ni. Mi 1,018 hnenah Covid-19 vaccine pek tawh a ni.