KHAWTHLIR

Election toll free
Election Commission of India chuan Lok Sabha inthlanpui awm turah mipuiin awlsam zawka electoral roll leh election kaihhnawih thil kimchang zawka an hriat theih nan, Voter Verification and Information Programme (VVIP) a siam a, election kaihhnawih thil hriat duh neite'n an zawhfiah theih nan voter helpline toll free no. 1950 chu district tinah dah a ni. Mobile phone aṭanga be tur chuan code no. 0389 chhut hmasak a ngai thung.

Thisen pe
North Vanlaiphai Damdawi Veng Branch KṬP chuan an kum 50 tlin lawm nan nimin khan blood donation camp an huaihawt a, Serchhip District Hospital tan thisen unit 34 an pe a, a petute mipa 27 leh hmeichhia pasarih an ni.

Hming thlak
GAD chuan thuchhuah siamin, February 12, 2019-a Council of Ministers meeting-in a rel angin, Mizoram Secretariat building leh sorkar pisa pawimawh hrang hrang awmna hmun, 'New Secretariat Complex' tia vuah chu a hmaa a hming put ṭhin, 'Mizoram New Capital Complex (MINECO)' tia vuah leh a nih thu a tarlang.

Job Mela
Labour, Employment, Skill Development & Entrepreneurship department chuan nimin khan Joel Public School, Siahaah Job Mela an buatsaih. Mela-ah hian firm hrang hrang vocational training programme leh employer representative 14 an tel a, counselling leh recruitment drive neih a ni.

Voting right zirho
Mizoram sorkara Election department leh Hrangbana College-a Department of Political Science-te chuan, nimin khan Hrangbana College Golden Hall-ah 'Voting Rights & Election Process' tih thupui hmangin voter-te hriat tur pawimawh inzirtirna hun an buatsaih.

PZP din champha
Pang Zirlai Pawl chuan (PZP) nimin khan Chamdûrtlangah PZP din champha vawi 35-na an lawm. PZP hi March 7, 1984-a din a ni a, din champha lawmnaah hian intihhlimna hunte hman a ni. PZP rising day hi PZP joint headquarters, sub-headquarters leh headquarters ṭhenkhatahte lawm a ni bawk.