Thawk lama harsatna nei enkawl turin hriattir
Health & Family Welfare Secretary chuan April 4, Inrinni khan thuchhuah siamin, thâwk lama buaina nei emaw, harsatna nei emaw, damlo enkawl ngai emaw an awmin sorkar leh mimal (private) damdawi-inte chu a ṭul ang zela ṭha taka lo enkawl turin a hriattir.
HFW Secretary chuan, sorkar damdawi-in leh mimal damdawi-in ṭhenkhatah damlo thâwk lama buaina leh harsatna (respiratory problem/ disease) neite'n indah luh (admit) chungchangah harsatna an tâwka hriat a nih thu a tarlang a, "Mi tu pawh, damlo harsatna, a bikin thâwk lama harsatna leh buaina neite chu sorkar hospital leh private hospital-te'n a ṭul ang zelin ṭha takin an enkawl tur a ni," a ti.