Haulawng hnenah motor hlan

Nimin khan Lunglei DRDA project director K Lalrohlua chuan, Haulawng khaw hman turin an VCP Ṭialthanga hnenah garbage disposal truck (bawlhlawh paih motor) a hlan.

Haulawng hi Lok Sabha MP CL Ruala'n model village atana a thlan a ni. Haulawng khua hian motor hire-in bawlhlawh an paih ṭhin avangin Pu CL Ruala chuan bawlhlawh paihna tur motor ngaihtuah sak turin model village enkawltute ngenin Lunglei DC kal chhuakta Dr. Ankita Chakravarty hmalaknain Oil India Ltd. dawr a ni a, DRDA Lunglei ten a bawhzui hna thawkin, OIL hian November, 2018 khan Rs 13,12,000 an sanction a ni. February, 2019 khan DC Account ah pawisa rawn dah lutin February 22, 2019 khan DRDA Lunglei chuan motor hi an lei a ni.