Mizoram Bar Association-in Criminal complaint thehluh tum

Ukilte intêl khawmna, Mizoram Bar Association (MBA) chuan thuchhuah siamin, Facebook-a ukil hming leh hna tih­hminghliau zawnga ṭawngkam déngkháwng tak taka thu post leh comment awm chu an dem thu an tarlang a; chutianga tite lakah chuan MBA hmingin criminal complaint thehluh an tum thu an puang.

Nimina MBA press release chuan, ukil hna chu hna zahawm, noble profession a ni tih tarlangin, "Hmusit leh diriam taka nawh­chizawrh ang leka kan legal profession min chhuahsak mai hi kan rilru a náin pawi kan ti tak zet a ni," a ti.

MBA chuan, Face­book-a thu post leh comment chungchangah MBA chu ngawih mai an tum lo tih sawiin, "MBA hminga criminal complaint thehluh ngei ni se kan ti," an ti a; ukil hna leh ukilte tihmingchhetute chu dan anga na taka hrem an nih theih nan a tàwp an thleng ngei dawn tih an tarlang a ni.