Mizoram Governor a bâng

Governor Kummanam Rajasekharan chuan March 4, 2019 khan Mizoram Governor aṭanga bânna President hnenah a thehlut a; President Ram Nath Kovind chuan nimin khan a pawmsak.

Thu dawn danin, Kummanam Rajasekha­ran hian Lok Sabha inthlanpui lo awm turah an state Kerala-a bial pakhatah BJP ticket-a din a tum a, chu vang chuan Governor a nihna aṭangin bânna a thehlut a ni.

India President chuan Kummanam Ra­jasekharan bânna chu nimin khan a pawmsak a, Mizoram Governor nghet tur ruat an nih hma chu Mizoram hmui rih turin Assam Governor Jagdish Mukhi hriattir nghal a ni.

Kummanam Rajas­ekharan hian vawiin hian Mizoram a chhuahsan dawn a, vawiinah vêk hian chawhma dar 11-ah Mizoram Governor atan Jagdish Mukhi chu rinawmna thu tiamtira lak luh a ni ang.