KHAWTHLIR
DDMA-IN PE
Serchhip District Disaster Management Authority (DDMA) chairman H Dolianbuaia chuan, DDMA fund aṭangin an district-a village task force 52 hnenah Covid-19 laka invennaa hmalakna turin pawisa a sem a; khua/veng azirin Rs. 3,000 aṭanga Rs. 6,000 inkarin sem a ni. PWD executive engineer C Lalthlamuani pawhin district task force hnenah Rs. 10,000 a pe bawk.
IOC INSURANCE
Indian Oil Corporation (IOC) Ltd. chuan an hnuaia thawk, inkhârkhip chhunga hna thawh ṭul site chu kum khat chhung medical insurance Rs. 1,00,000 hû an tihsak vek dawn a, Covid-19 an vei a, an thih phah a nih chuan Rs. 5,00,000-a râl tur a nih thu a puang bawk. IOC hian Covid-19 beih nan PM CARES Fund-ah oil company dangte nen ṭang hoin cheng vbc. 1,031 an chhûng lut a, thawktute ni hnih hlawh thawh khawm cheng vbc. 61 an chhûng lut bawk.
CM RELIEF FUND
Sialkal Range Development Council chuan Covid-19 dona atan Inrinni khan Lengteng bialtu MLA L Thangmawia hoin Chief Minister's Relief Fund-ah Rs. 31,250 an chhung lut.
RAWN THEIHA AWM RENG TUR
Health & Family Welfare department Secretary chuan, sorkar hnuaia thawk doctor zawng zawngte chu anmahni thawhna hmun ṭheuhah mipui tan ràwn theiha awm reng turin a hriattir. Mizoram sorkara thawk doctor zawng zawngte chu an thawhna hmun ṭheuha an office phone number leh an mimal phone number-ah mipui tan ràwn theiha awm reng tur leh dam lohna leh harsatna bik an nei a nih loh chuan anmahni postah ṭheuh awm tura hriattir an ni a; mipui zawhn ate hawihháwm taka dawngsawng tura ngen leh hriattir an ni bawk.
A THLAWNIN GAS BUR THUM
Health & Family Welfare department Secretary chuan, sorkar hnuaia thawk doctor zawng zawngte chu anmahni thawhna hmun ṭheuhah mipui tan ràwn theiha awm reng turin a hriattir. Mizoram sorkara thawk doctor zawng zawngte chu an thawhna hmun ṭheuha an office phone number leh an mimal phone number-ah mipui tan ràwn theiha awm reng tur leh dam lohna leh harsatna bik an nei a nih loh chuan anmahni postah ṭheuh awm tura hriattir an ni a; mipui zawhn ate hawihháwm taka dawngsawng tura ngen leh hriattir an ni bawk.