Covid-19 vei Mizo Pune-ah a thi

Pune-a awm, Covid-19 vei enkawl lai Rudy K Lalhmingsangi (33), Khawruhlian chu nimin chhun dar 12 vel khan damdawi-inah a thi.

Vanglaini zawhna chhangin Pune Mizo Welfare Association hruaitute chuan, Rudy K Lalhmingsangi hi Pune-ah hna thawka awm a nih thu te, chawlhkar hnih vel kal ta khan Covid-19 positive a ni tih hmuh chhuah a nih thu leh, thâwk lamah harsatna a neih sa thu an sawi. Pune-a Mizo awm zingah Covid-19 vei mi pakhat a awm mek a, harsatna lian tham a neih loh thu an sawi bawk.

Rudy K Lalhming­sangi ruang hi Mizo­ramah lak theih a ni lo a, nimin tlai khan PCMC Cremation Ground, Pune-ah an hâl a ni a, a chhungte hnenah a vâp thawn a ni ang.