Lalduhoma a ngaia ṭhuttir leh theitu chu Serchhip bial mipui an ni - Rodingliana

ZPM party-a Serchhip By-Election Campaign Committee convener F Rodingliana chuan, "ZPM hian Pu Lalduhoma hi a ngaia dintir hi kan tih theih tâwk a ni a, a ngaia ṭhuttir leh theitu chu Serchhip bial mipui an ni," a ti.

F Rodingliana hian April 12, Thawhṭanni khan Serchhipah ZPM campaign office hawnna leh Pathian hnena hlanna inkhawmah thu sawiin, "Zoram mipui hian kan ram hruaitute che zia kan thlir hian kan lung hi awi zãn lo niin a hriat a, kan hruaitu ṭhenkhatte hi chuan ram hmasawnna tura hmalakna hi an 'uipui tui lian thlir' mai mai ni hian a hriat," a ti a; 'Kalphung thar, mipui sorkar' siam tumtu ZPM thawhpui turin mipui a sáwm.

Lalduhoma chu ṭhalaite leh ram mipui beiseina nia an ngaih thu sawiin F Rodingliana chuan, "Mizoram record siam nan leh thu dik tun dina a awm thei nan ZPM headquarters chuan a dinna ngai a dintir leh hi kan tih theih tâwk a ni," a ti a; Serchhip bial mipuite chu Lalduhoma a ṭhutna ngaia ṭhuttir leh ngei turin a sawm a ni.