Zirlai tiṭhate chawimawina hlân

1st Bn. MAP English Medium School, Armed Veng chuan nimin khan sikulah zirlai ti ṭhate chawimawina an buatsaih a; he sikula zir chhuak bialtu councillor Christina Roluahpuii Sailo khuallian niin, 1st MAP commandant Lalringdika pawhin a hmanpui.

Christina Roluahpuii chuan, a zirtirtu hlui zawng zawngte zahna chibai a bûk tih sawiin, "Nangni awm lo ula chuan tun dinhmun hi ka thleng dawn lo tih ka chiang. Vawiinah he sikul chhuak ka nihnate hre renga khuallian atan min hmang hi ka lawm tak zet a ni," a ti a; sikula zirtirtu te, 1st MAP Commandant leh zirlai nu leh pa zawng zawngte an ward hmasawnna atan thawhpuiah a sáwm.

1st Bn. MAP English Medium School hian pawl 6-9 final exam-a pakhatna aṭanga pathumnate hnenah chawimawina thilpek an hlàn a, Councillor pawhin zirlai ti ṭha ber lawmpuina a hlân. Sikul hi kum 1998-a din a ni.