Pisaah Preamble chhiar rual a ni

Nimin April 14 kha India danpui (Constitution) duang chhuaktu Dr BR Ambedkar (Drafting Committee Chairman) pian champha vawi 130-na a ni a; hemi pual hian chawhma dar 11 khan sorkar department hrang hrangte'n an pisaah Preamble an chhiar rual.

Mizoram Legislative Assembly Secretariat-ah chuan officer leh staff-te'n Preamble an chhiar rual a, Assembly secretary H Lalrinawma'n a kaihruai. Secretariat tualah chuan chief secretary Lalnunmawia Chuaungo kaihhruaiin an chhiar rual a, April 14-20 chhunga hman tur Fire Service Week an hmang ṭan nghal bawk.

District hrang hrangah pawh DC office, SP office leh department office-ahte hun hman a ni.