COVID-19: Mizoram dinhmun : Hripui vei 30 hmuh belh a ni

April 13, Thawhlehni khan Mizoramah Covid-19 vei mi 30 hmuh chhuah a ni a, an zingah natna (symptom) lang mi 11 an awm. Nimin khan SRH-ZMC-a enkawl, hripui laka fihlim tawh mi pakhat chhuahtir a ni.

Covid-19 vei hmuh tharte chu mipa 16 leh hmeichhia 14 an ni a; ZMC laboratory-ah mi pathum, TrueNAT-PCR hmangin mi pakhat leh RAT hmangin mi 26 hmuh chhuah a ni. Hetih lai hian, nimin khan minister hlui PC Zoram Sangliana (65), Kanan Veng leh an ina khawsa mi dang pahnih chu Covid-19 vei an ni tih hmuh chhuah a nih thu Kanan Veng LTF-in an tarlang.

Mizoramah Covid-19 vei mi 4,685 hmuh chhuah a ni tawh a, mipa 3,364 leh hmeichhia 1,321 an ni. Nimin tlai dar 5 thleng khan mi 4,470 (95.41%) chhuahtir an ni tawh a, mi 12 (0.26%) thi tawhin, enkawl mek mi 203 (4.33%) an awm.

April 13, Thawhlehni khan ZMC laboratory-ah swab sample 129, TrueNAT-PCR hmangin Lunglei, Serchhip leh Hnahthialah sample 61 leh RAT hmangin district pakuaah sample 1,700 endik a ni a; sample endik zawng zawng chu 1,890 (mipa 1,266 leh hmeichhia 624) niin, chu'ng aṭanga hripui vei hmuh 30 chu 1.60% a tling.

Covid-19 positive hmuh chhuah thar mi 30 zinga mi 10 chu Mizoram chhunga kái chhâwng nia hriat niin, mi 20 chu state páwn aṭanga rawn lut hlim leh tun hnaia rawn lutte an ni a; tualchhunga kái mi 10 zingah hri kàina hriat loh mi pasarih an awm. Mi 30 zingah symptom nei mi 14 an awm bawk.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah hian Covid-19 positive 2,680 hmuh chhuah a ni tawh a, TrueNAT-PCR hmangin 683 leh RAT hmangin 1,321 hmuh chhuah a ni tawh.

IDSP Bulletin tarlan danin, April 11, 2021 thlengin Mizoramah swab sample 2,66,380 endik a ni tawh a, chu'ng aṭanga Covid-19 positive hmuh tawh zat 4,685 chu 1.76% a ni. Hripui vei hmuh tawh zinga mi 2,223 chu Mizoram chhunga kái chhâwng an ni a, mi 2,462 chu Mizoram páwn aṭanga an rawn luh hnua hmuh chhuah an ni thung.

Covid-19 vei hmuh tharte
ZMC-A HMUH CHHUAH
MZU - 1: MZU-a thawk mipa kum 41, April 11-a Nagaland aṭanga haw, entry point-a RAT negative tawh, endik nawnnaa hmuh chhuah, symptom nei lo.
Venghlui - 1: Mipa kum 26, Jharkhand aṭanga haw, ina inkhung lai, symptom nei lo.
Chhinga Veng - 1: Hmeichhia kum 22, April 12-a Hyderabad aṭanga haw, Lengpui Airport RAT-a negative, a hnua hmuh chhuah, symptom nei lo.

TRUENAT-PCR-A HMUH
Serchhip Vengchung - 1: Hmeichhia kum 19, April 10-a Shillong aṭanga haw, Vairengte RAT-a negative, a hnuah symptom a neih vanga Serchhip District Hospital-a sample endik nawn.

RAT HMANGA HMUH
Damveng, Aizawl - 1: Hmeichhia kum 22, Bangalore aṭanga haw, Lengpui Airport-a sample endik, symptom nei lo.
Maubawk - 2: Mipa kum 32 leh hmeichhia kum 33; Delhi aṭanga kal, Lengpui Airport-a sample endik, symptom nei lo ve ve.
Chhinga Veng - 2: Hmeichhia kum 19 & 31, Uttar Pradesh aṭanga haw, Lengpui Airport-a sample endik, pakhatin symptom a nei.
Vaivakawn - 1: Mipa kum 30, Delhi aṭanga haw, Lengpui Airport-a sample endik, symptom nei lo.
Chanmari West - 1: Mipa kum 32, Guwahati aṭanga haw, Lengpui Airport-a sample endik, symptom nei lo.
Kulikawn - 1: Mipa kum 35, Delhi aṭanga kal, Lengpui Airport-a sample endik, symptom nei lo.
Lunglei - 1: Hmeichhia kum 25, Uttar Pradesh aṭanga haw, Lengpui Airport-a sample endik, symptom nei.
Serchhip - 1: Hmeichhia kum 21, Guwahati aṭanga haw, Lengpui Airport-a sample endik, symptom nei lo.
Lawngtlai - 1: Hmeichhia kum 23, Delhi aṭanga haw, Lengpui Airport-a sample endik, symptom nei lo.
Bâktawng - 1: Mipa kum 21, Jabalpur, Madhya Pradesh aṭanga haw, Lengpui Airport-a sample endik, symptom nei.

Tuikual North - 1: Mipa kum 54, private hospital-a sample endik, hri kàina hriat loh, symptom nei lo.
Tlangnuam - 1: Mipa kum 27, private hospital-a sample endik, hri kàina hriat loh, symptom nei lo.
Damveng - 1: Mipa kum 24, private hospital-a sample endik, hri kàina hriat loh, symptom nei lo.
Bawngkawn - 1: Hmeichhia kum 20, symptom neih vanga private hospital-a sample endik, hri kàina hriat loh.
Zarkawt - 1: Mipa kum 23, symptom neih vanga sample endik, hri a kàina hriat loh.
Armed Veng South - 4: Mipa kum 11, 22 & 25 leh hmeichhia kum 17; hripui vei hmuh tawh nen inkungkaihna neih vanga sample endik, symptom nei vek.
Serchhip - 1: Hmeichhia kum 45, private hospital-a sample endik, hri kàina hriat loh, symptom nei lo.
Thenzawl - 1: Mipa kum 65, Tripura aṭanga haw, Thenzawl a thlen hnua sample endik, symptom nei lo.

Chhingchhip - 1: Mipa kum 25, Shillong aṭanga haw, Vairengte screening point-a sample endik, symptom nei lo.
Ramhlun North - 1: Hmeichhia kum 5, Shillong aṭanga haw, Vairengte screening point-a sample endik, symptom nei lo.
Lawngtlai - 1: Hmeichhia kum 20, Sonaguri, Assam aṭanga haw, Vairengte screening point-a sample endik, symptom nei lo.