Infected area aṭanga vawk phurh chhuah Aizawl DC-in a khap

Aizawl DC Lalhriatzuali Ralte chuan nimin khan Aizawl khawpui chhung hmun ṭhenkhata vawk hri léng mek avangin, hri léng a darh zel lohna atan thla hnih awh tur thupek a tichhuak a; vawk hri lènna veng aṭangin vawk phurh chhuah leh lak luh khap a ni.

Aizawl Bawrhsap chuan, Edenthar Veng leh Armed Veng chu vawk hri lènna hmun, infected area-ah puan a nih thu a tarlang bawk.

DC hriattirna
1. Edenthar Veng leh Armed Veng aṭangin vawk phurh chhuah phal a ni lo a, veng dang aṭangin vawk lâk luh khap a ni bawk.
2. Vawk thi reng reng paih loin, thûk taka phûm tur.
3. Vawk damlo reng reng hralh/talh khap tlat a ni.
4. Vawk hrisel ṭha pangngai nia hriat talh tur neite chuan veterinary officer/meat inspector aṭangin hriatpuina lehkha an la hmasa tur a ni.