BCM-in pastor thar pariat an nemnghet

Baptist Church of Mizoram (BCM) rorelna sang ber, BCM Assembly vawi 123-na, Lunglei Bazar Veng biak-ina neih chu nizan khan a ṭiak. Nimin khan pastor atan mi pariat nemngheh an ni a; kum 2019-20 chhunga BCM budget tur chu cheng nuai 9490.40 a ni.

BCM Assembly rorel inkhawm chu president Rev. PC Liandula'n a kaihruai a, rorel palai 1,086 an kal.

Kum 2019-22 kum chhunga BCM president (elect) chu Rev. Dr K Lalrinthanga a ni a, general secretary atan Rev. F Ramdinmawia a ni. Kum 2020-a BCM Assembly neihna tur chu Lunglei Rahsi Veng biak-in a ni a; kum 2021-ah Lunglei Ramthar Veng biak-inah nghah a ni ang.