PMVDY kalpui dan thlirho

Cooperation minister C Lalrinsanga hoin nimin khan a pisaah department hotute'n Prime Minis-ter Van Dhan Yojana (PMVDY) thawh khatna kalpui dan an thlir.

PMVDY hi tlang mi, ramngaw thar chhuaha innghat kut hnathawktute tana buatsaih a ni a; scheme hnuaiah self help group (SHG)-te thawk­hoin, Mizoramah Van Dhan Vikas Kendra (VDVK) 159 din a ni. VDVK pakhat zelah SHG group 15 zel awm tura beisei a ni a, a thawh khatnaah Mizoramah VDVK 44 din a ni tawh a, a thawh hnihnaah 115 din a ni bawk.

Mizorama Van Dhan Mission scheme nodal department chu Coope­ration department a ni a, Tribal Cooperative Marketing Development Federation of India (TRIFED) nen thawhhona thuthlung ziakin, July 14, 2020 khan Cooperation minister C Lalrinsanga'n a hawng a ni.

Van Dhan Scheme hian ramngaw aṭanga ei tur leh ramhmul damdawite man man zawka kut hna­thawktute'n an hralh theih nana cheibâwl te, thiamna tipung tura buatsaih te, hmanraw mamawha ṭanpuite a huam a ni.