MYC Chairman-in tuizém a sem
Mizoram Youth Commission (MYC) chairman Dr Vanlalṭanpuia, MLA chuan April 14, Nilaini khan a bial, Lunglei North constituency chhunga khaw hrang hrang a tlawh a, tuizém 190 chuang a sem.
Dr Vanlalṭanpuia hian April 12, 2021 aṭangin a biala khaw hrang hrang a fang a, Nilaini khan Rawpui, Pángzawl, Thiltlang, Lungmawi leh Phaileng South khuate tlawhin, khawsak harsate hnenah tuizém (Sintex) 192 a sem tawh. Tuizem hi a vaiin 309 sem a tum a ni.
A bial chhunga damlo, natna khirh tuarte hnenah pawisa eng emaw zat a pek bakah, in sak ṭanpuina ṭhahnem tak a pe a; football leh volleyball tournament buatsaihna tur sum leh jersey, football leh net-te a pe bawk.
Dr Vanlalṭanpuia chuan, chief minister Zoramthanga kaihhruai sorkarin mipui mamawh chi hrang hrangte Covid-19 léng karah pawh a phuhru thei zel niin a sawi a, "Buhfai, gas leh oil-te a tam em em reng a ni. Bial mipui hnenah mirethei leh pachhiate ban phak MLA nih ka tum a ni," a ti.