Vai-awta tlâk dâl siam enfiah

Aizawl South-II bialtu MLA Prof. Lalnunmawia chuan April 14, Nilaini khan a bial chhung, Chàmring leh Sialsûk inkara Vai-âwt an tih hmuna lirthei tlan liam tur danna tur siam hna thawh mek a tlawh a, hna thawktute chu chak leh ṭha taka thawk turin a chah.

Vai-áwta lirthei tlâk dâl (RCC wall) siam mek chu metre 30.3-a thui niin, ft. 2-a chhah leh metre 1.4-a sánga siam a ni dawn a, leiah metre 2-a thûk phûm tur a ni.

Hemi chungchanga MNF party thuchhuah tarlan danin, Vai-áwtah hian lirthei eng emaw zat chesualin an tlan liam tawh a; chhinchhiah chinah lirthei lian (truck) 21 chesual tawhin, chu'ngte chu hnam dang enkawl lirthei pakua leh Mizo lirthei 12 a ni a, chetsualnaah mi pariat an thi tawh a ni.