Covid-19 vangin Bhopal-ah Mizo nu a thi

Bhopal, Madhya Pradesh-a Mizo nu, Melody Malsawmdawngzuali (27) chu nimin tlai dar 3 vel khan Covid-19 avangin a thi a, nizan khan vui niin, a ruang hâl nghal a ni.

Bhopal Mizo Welfare president Dr Jonathan VL Tlankima hnen aṭanga thu dawn danin, Melody Malsawmdawngzuali hi Hmunnghak khua niin, Bhopal-ah pasal a nei a, tun hnai lawk khan nau a nei (hring) a ni. April 3, 2021 khan a damlo a, a swab sample endik zui niin, Covid-19 a vei tih hmuh chhuah a ni a; hun eng emaw chen Chirayu Hospital-a enkawl a nih hnuah nimin tlai khan a thi a ni.

Bhopal khawpui hi Covid-19 hluarna hmun a nih avangin total lockdown an kalpui mek a; hei vang hian amah vuinaah an tel thei lo tih BMW hruaitute chuan an sawi.