Political party-te hrilhfiah

Nimin khan chief electoral officer (CEO) Ashish Kundra chuan a pisaah political party aiawhte a kâwm a; Lok Sabha inthlanpui leh Aizawl West-I Assembly bye-election neih tura Election Commission inbuatsaih dan a hrilhfiah.

Ashish Kundra chuan, March 10, Pathianni tlai dar 5-a Lok Sabha MP inthlan hun tur a puan aṭangin Model Code of Conduct hman ṭan nghal a nih thu a sawi a, "Mizoramah chuan Lok Sabha MP inthlan leh MLA bye-election-te hi a ruala neih tur a nih avangin, notification tihchhuah hun, nomination file hun leh inthlan níte a rualin tih vek a ni," a ti.

CEO chuan party tinte chu Model Code of Conduct bawhchhe lo tura chahin, "Nomination file-na tur Form-26 chu ECI-in an siam danglam hret avangin uluk leh fimkhur taka fill-up a ṭul," a ti a; Form-26 chu fill-up kim loh a nih chuan nomination hnâwl a nih tur thu a sawi.