Mi 63,523 enfiah an ni tawh
Covid-19 chungchang ah state páwn aṭanga Mizoram lut screening point hrang hranga nimin tlai dar 4:30 thlenga enfi ah (screen) tawh zat chu mi 63,523 an ni a, chung zinga mi 275 chu nimina enfi ah an ni.
Sorkarin quarantine centre-ah mi 207 awmin, nimina dah belh an awm lo a, mahni ina inkhung mi 2,449 an awm. Nimin khan throat swab sample test result pahnih hriat a ni a, an kai lo.
Sample endik tura thawn tawh 58 result hriat kim a ni ta a, a kai mek mi pakhat bak kai hmuh belh an awm lo. State Referral Hospital/ZMC-ah Covid-19 vei mek mi pakhat leh rinhlelh pakhat enkawl mek a ni a, nimin tlaia damdawi-in thuchhuah chuan, mi pahnihte chu ngaihtuahawm an ni rih lo tih a tarlang. Covid-19 vanga Referral Hospital-a dah luh tawh zawng zawng chu mi 17 an ni a, chu'ng zinga mi 15 chu an chhuak leh tawh a ni.