Zenghri beihpui thlâk

Health department chuan nimin khan Mizoram pumah zeng­hri venna damdawi pek beihpui thlakna a kalpui ṭan a, Health princi­pal director Dr F Lallian­hlira'n nimin zing dar 9:30 khan Health Servuices directorate-ah a hawng.

Zenghri danna damdawi pek beihpui thlâkna hi district zawng zawngah kalpui ṭan a ni a, naupang kum 5 hnuai lam 1,13,000 vêl hnenah zenghri danna damdawi pek tum a ni. Damdawi pekna atan polio booth hmun 1,373-ah siam a, khua/veng hrang hrangah Health sub-centre-ahte pawh lâk theih a ni.

State Immunization oficer Dr Lalzawmi chuan, nu leh pate'n an fate hriselna an ngaih pawimawh a, an ṭhan len zelna atan hri danna an lak ngei a ngai tih a sawi a; tunah zenghri beihpui thlakha pawh chhawr ṭangkai vek tur leh vaccine la ṭheuh turin naupang kum 5 hnuai lam nei zawng zawngte a chah.

India ram hi kum 2014 khan polio free (zenghri awm lohna)-ah khawvelin a puang tawh a, mahse, khawvel pumpuia zenghri natna hrik a awm chhung chuan zenghri danna damdawi chu routine immunization (hunbi neiin)-ah pek zel a ni dawn a ni.