MPCC leh ZPM-in mipui Candidate siam an tum

Mizoram Pradesh Congress Committee (MPCC) leh Zoram Peoples' Movement (ZPM) hruaitute chu nimin khan Congress Bhavan-ah an inkâwm a; April 11, 2019-a Lok Sabha inthlanpui leh Aizawl West-I Assembly bye-election awm turah mipui candidate siam an rêl.

Congress party leh ZPM hruaitute chuan, India ramah sakhaw tih bik awm lohna (secularism) vawn him duh apiang ṭangho a, mipui candiate siam ni se an ti a; secularism vawnhim duh zawng zawngte chu ṭanrualpuiah an sáwm a ni.