KHAWTHLIR
Thisen pe
Secretariat-a hotute chuan nimin khan Secretariat tualah blood donation camp an huaihawt a, Aizawl Civil Hospital Blood Bank chuan blood donation van pahnih hûngin thisen an la a ni. Secretariat-a thawkte'n thisen unit 38 an pe a, a petute mipa 30 leh hmeichhia pariat an ni. Blood donation camp hi vawiinah chhunzawm a ni dawn a, Secretariaty hotute chuan, Secretariat leh a chhehvel pisaa thawkte leh pisa dawrtute chu thisen pe turin an sáwm a ni.
Lokayukta din Vangin lawm
MZP chuan thuchhuah siamin, Mizoram sorkarin eirûkna leh hlemhlêtna dotu tur Lokayukta a din ta leh chairperson hmasa ber atan C Lalsawta, IAS(Rtd.) lak luh a ni ta chu lawmawm an tih thu an tarlang a, "The Mizoram Lokayukta function a nih theih nana hma latu Mizoram sorkar chungah MZP chuan thinlung takin lawmthu a sawi tak meuh a ni," an ti.
Panel of Chairman
Assembly Speaker Lalrinliana Sailo chuan nimin aṭanga ṭan tâk Assembly budget session-a Panel of Chairman atan INC member C Ngunlianchunga, MNF member Ramthanmawia, MNF member H Lalzirliana leh ZPM member VL Zaithanzama te a ruat.
Puang dawn
MNF party chuan vawiin chhun dar 1 hian Mizo Hnam Runah April 11, 2019-a Lok Sabha inthlan leh Aizawl West-I Assemblyh bye-election-a an candidate turte an puang dawn. Thu dawn danin, MNF hian Lok Sabha MP atan C Lalrosanga, Tuikual South leh Aizawl West-I MLA bye-election atan Zothantluanga, Zotlang-te an candidate dawn a ni.
Ngaihnathiam tur
Mizoram sorkar chuan thuchhuah siamin, khaw awm danin a zir loh avanga Mizoram hmun ṭhenkhata lo hâl hun hnuhnung, March 15 hmaa lo hâl hman lo an awm chuan ngaihhnathiam tur an nih thu a tarlang a, "District tina DC-te'n khaw awm dan thlir chung leh DLAO leh V/C-te beráwnin lo hâl hun (March thla chhung) an ruat ang," a ti.
Faina Hnatlang
Lawngtlai Town Sanitation Task Force (LTSTF) bul tumin Swachh Bharat Mission (Urban) fai inzirtirna beihpui thlak mek a ni a, hemi peng pakhat atan hian nimin zing khan LADC office leh complex-ah faina hnatlang buatsaih a ni.