Mizote tan Guwahati-ah rubber training

Land Resources, Soil & Water Conservation department leh sorkar lai­puia Rubber Board chuan nimin khan Guwahati-a Rubber Board Conference Hall-ah Mizorama mite tan Rubber Trainers Training an buatsaih.

Training hi Rubber Board ADO (Training) Pradip Kr Goswami chuan a kaihruai a; Rubber Board additional commissioner S Selvaraj chuan, training-a telte chu Mizoram aiawh an ni tih hria a, rilru leh tihtak zeta zir turin a chah a, "Nakin zelah pawh mi dang zirtir chhâwng tur in nih angin, thiamna tak tak puak­chhuah in tum tur a ni," a ti.

Rubbers Trainer Training hi Mizoram sorkar term hmasa hun laia policy, NEDP sum hmanga buatsaih a ni a, hetiang training hi vawi nga buatsaih tum a ni. Nimina

ṭan tâk training hi a vawi thumna a ni a, Aizawl, Lawngtlai leh Serchhip district-a ṭhelrêt chingtu mi 20 an tel. Training hi ni nga chhung awm tur a ni a; Rubber Board hnuaia Rubber Research & Training Centre, Hahara-ah ṭhenrêt chìn leh a kaihnawih thil pawimawh hrang hrang an zir dawn a ni.