Mamit DC-in Kanhmun a tlawh

Mamit DC Dr Lalrozama chuan nimin khan Kanhmun khua a tlawh a, Lok Sabha inthlanpui awm tura Tripura refugee camp-a Bru-te vote thlakna tur special polling station siamna tur hmunhma a tlawh.

Sorkar thuchhuah tarlan danin, Tripura refugee camp-a awmte'n MP election-a vote an thlak dan tur­ah Election Commission of India chuan thutlukna leh thuchhuah a la nei lo a; mahse, an tan Kanhmun khuaah special polling station siam a ngaih thut atana inbuatsaihna leh hmunhmate felfai zawk leh boruak ralmuang tak hnuaia vote thlak a nih theihna atan Mamit DC hian a thlithlai lâwk a ni.

Dr Lalrozama chuan Kanhmun V/C, tlawm­ngai pawl hrang hrang - YMA, MHIP, MUP hruai­tuite a kâwm a; "Ruah leh thli thawk thut theih hun lai a nih avangin harsatna leh buaina a thlen lohna turin inbuatsaihna kalpuina tura ruahmanna ṭha tâwk siam ni se," an ti.