CEO office-in workshop buatsaih

Chief Electoral Officer (CEO) office chuan nimin khan NLUP conference hall-ah 'State level workshop and sensitization on Voter Awareness Forum (VAF), VVIP & SVEEP' an buatsaih a, VAF nodal officer-te an tel.

Workshop hmanpuitu CEO Ashish Kundra chuan, Election Commission of India (ECI)-in dan leh ruahmanna thar eng emaw zat a siam tih sawiin, "Hengte hi kan hriat bel a ngai. VAF hi department hrang hrang bakah, NGO leh corporate-ahte pawh din tur a ni a, he forum kaltlang hian inthlannaa vote thlak a pawimawhzia leh inthlan kaihhnawih thil pawimawh hrang hrang inzirtir tur a nih avangin, inthlannaa vote tla pawh nasa takin a pun phah beisei a ni," a ti.

Ashish Kundra chuan, electoral roll-a thun thar, vawi khatna atana vote thlak turte chu a bik taka ngaih pawimawh an ni a, vote an thlak ngei theih nan anmahni pawh fuih an pawimawh tih a sawi a, "Voter-te hnenah EVM a himzia uar taka zirtir a ṭul.

ECI chuan Universal Helpline number 1950 (toll free) a siam a, he number-ah hian in­thlan leh a kaihhnawih chungchangte a zawh theih bakah, hriat chian duh leh sawisel duh nei tan engtik lai pawhin biak theih a ni," a ti bawk.