Ui seh leh a kaihhnawih chungchang zirho

National Rabies Control Programme (NRCP) chuan nimin khan Health Services directorate conference hall-ah ui a seh leh a kaihhnawih chungchang zirhona an buatsaih a; a kaihhnawih department hrang hrangte bakah, Mizoram University, tlawmngai pawl leh local council association hruaitute an tel.

Stakeholder meeting hi NRCP state nodal officer Dr Pachuau Lalmal­sawma'n kaihruaiin, NRCP chungchang a sawifiah a, Health Services director Dr Lalchungnunga pawhin thu a sawi. Resource person hrang hrangte'n ui a seh chungchang, a lan chhuah dan leh invenna te, mipui leh ui vulhtute tana hriat tur pawimawhte an sawi a; ram pum huapa hmalak dan tur sawiho a ni bawk.

Meeting-a an tarlan danin, kum 2018 chhung khan chawhrualin ui seh vangin ni tin mi 4/5-in Aizawl Civil Hospital an pan ziah ang a ni. Ui seh vanga miin ui a hri a kai tawh chuan tihdam leh ngaihna a awm tawh lo a, chuvang chuan, ran vulhte chu hri danna (vaccine) laktir ngei ngei tur a nih bakah, a vulhtute'n a bikimin vaccine an la ngei a ni tih hriat nan certificate lain an vawng ṭha ngei tur a ni tih an tarlang.

Ui a seh hi Mizoramah tam vak loin lang mah se, ui â dik takin a sehte chuan an thihpui zel avangin, ngaihthah chi a ni lo tih an tarlang bawk. NRCP hi Mizoramah chuan kum 2018 aṭangin kalpui a ni.