Aizawl-Siaha kein kal

Zotrek member pahnih - Romalsawma, Mission Vengthlang leh Vanromawia, Bawngkawn te chuan kein Aizawl aṭanga Siaha thleng an kal. Zotrek member pahnihte hian April 6, 2021 zing dar 7 khan Aizawl chhuahsanin Siaha an pan a, April 15, Ningani chawhnu dar 2:50 khan Siaha khawpui an lut a ni. Aizawl-Siaha an kalna kawng hi km. 301.6-a thui a ni a, kawng laka an mamawh tur thil chi hrang hrang kg. 20 vel ve ve an ak. Siaha an thlenin Siahaa MJA member-te'n an lo dawngsawng a, Siaha Press Club-ah anmahni lawmna hun buatsaihin, zanriah an buatsaihsak nghal a ni. An kalna kawngtluanin mite'n an lo hlutsak a, ei tur leh an mamawh hrang hrang lo petute chungah an lawm thu an sawi. Mi pahnihte hian kumin February 3-4 chhung khan Aizawl-Kolasib km. 78-a thui an kal tawh a, hun remchangah Aizawl-Champhai kal leh an tum bawk.