MLA-in ráltlânte ṭanpuina a pe

Hachhek bialtu MLA Lalrindika Ralte chuan Myanmar aṭanga sahimna zawnga Zo hnahthlak râltlân ṭhenkhat, Dawrpui Vengthara awmte chu nimin khan an chennaah a tlawh a, an mamawha hman atan pawisa a pe.

Lalrindika Ralte chuan, Zo hnahthlakte inhmuh khawm a châkawm em em laiin, tuna Zo hnahthlakte an inpui Mizorama an luh dan chu pawi a tih thu a sawi a, "Mahni hmasial leh hamṭhat duh vanga mi dangin an dikna leh zahawmnate pawh pangngai taka an hmang thei lo hi ka dem. Myanmar mipui leh Zo hnahthlak ráltlânte hi Mizo mipuiin thinlung takin kan lo dawngsawng che u a, kan hre reng che u a, in tawrhna hi kan tawrhna a ni," a ti.