Silent period-ah hriattirna tichhuak

Serchhip district election officer (DEO) Kumar Abhishek, bawrhsap chuan vawiina Assembly by-election neih tura ngawih hun (silent period) chungchangah nimin khan thuchhuah a siam a; dan zâwm lo chu kum hnih thleng lung-ina tàn emaw, pawisa chawitir emaw, a pahnih emawa hrem theih a nih thu a tarlang.

Bawrhsap chuan, Serchhip biala vote nei zawng zawng, sumdawnna hmun - mimal leh company hnuaia thawkte tan an ni khat hlawh tur ang hloh chuang loin, vote an thlak theih nan vawiinah hna chawlh theih a nih thu a puang bawk.

Serchhip DEO hriattirna
1. Silent period hi vote thlâk hun darkar tàwp aṭanga chhiar lêta darkar 48 huam chhung hman tur a ni.

2. He hun chhung hian electronic media hmanga (social media tiamin) party/candidate fakmawina lam chi thehdarh loh tur.

3. He hun chhung hian star campaigner leh political party hruaitute'n press conference leh interview hmangin media hmaah thu an sawi tur a ni lo.