Lirthei tlân dan tur ruahman

Aizawl Traffic SP Rodingliana Chawngthu chuan thupek chhuahin, PWD-te'n kawng siam hna an thawh dawn avangin Rangvamual, Phunchawng, Edenthar Veng velah kawngpui siam chhungin kawngpui dan a nih dawn tih a tarlang a, "Company Peng (Hunthar) aṭanga Lungverh péng inkarah motor intlân chhâwk a ngai dawn a ni," a ti. Thupek hi nimin aṭanga hman ṭan a ni.

Lirthei tlân dan tur
. Lungverh pêng aṭanga Rangvamual kaltlanga Aizawl pante kal tlang theih hun chu zing dar 8 aṭanga chhun dar 12 a ni.
. Chhun dar 12 aṭanga chhun dar 1 chhungin Bawngkawn leh Sairang lam aṭangin lirthei an tlan thei ang.
. Chawhnu dar 1 aṭanga tlai dar 5 chhungin Company pêng, Hunthar Veng aṭanga Lungverh pêng inkarah Company peng aṭang chauhin Sairang lam panin tlan theih a ni ang.
. Lungverh pêng leh Ramrikawn inkarah zing dar 8 aṭanga chhun dar 12 inkarah Lungverh lam panin lirthei tlan theih a ni a, HMV-te chu NH-a an tlan theih hun nghakin kawngpui zau laiah an ding ang.
. Lungverh pêng aṭanga Ramrikawn inkarah chawhnu dar 1 aṭanga tlai dar 5 inkarah Ramrikawn lam pan chauha tlan theih a ni a, Lungverh lam pana tlan theih a ni lo.