Slip hman theih dawn loh

Election Commission of India (ECI) chuan, inthlan hmasaka lo kalpui tawh ṭhin, photo voter slip hmanga vote thlak theih ṭhin chu April 11, 2019 aṭanga Lok Sabha inthlanpuiah a remti tawh dawn lo a; polling station-a vote thlak hmaa mahni nihna tihchian nan Electors Photo Identity Card (EPIC) emaw, mahni nihna tichiang thei document dang emaw ken ngei a ngai tawh dawn.

ECI-in voter-te'n an­mahni tichiang thei tura document a pawmte chu - Indian passport, driving license, service identity card, bank/post office passbook, PAN card, National Population Register (NPR) hnuaia Registrar General of India (RGI)-in smart card a tihchhuah, MGNREGA job card, Ministry of Labour scheme hnuaia health insurance smart card, pension document mahni thlalak chuanna, MP/MLA-te official identity card leh Aadhaar card-te a ni. Heng zinga eng emaw ber ken theih a ni ang.