HFW-in ambulance pali an dawng

National Highway & Infra­structure Development Cor­poration Limited (NHIDCL) chuan Health department hnenah ambulance pali a pe a, April 17, Inrinni khan Health & Family Welfare minister Dr R Lalthangliana hnenah an hlân. Minister chuan NHIDCL chungah lawmthu a sawi.

Dr R Lalthangliana chuan, Covid-19 donaah mi tinin ṭan an lâk thar a ngaih thu sawiin, "Sorkar bakah kohhran leh páwl hrang hrang hmalakna avangin hun eng emaw chen positive kan neih tlem hnuah tun hnai, a bikin April thlaah kan invawrh leh ta deuh hi ṭan lak a ngaihzia tilangtu a ni. Sorkar SOP enin tih tur leh tih loh turte hriat a ṭul," a ti a; thuawihna nen mahni invawng turin mipui a ngen.

Health Minister chuan, Covid-19 vaccine lâk chungchangah insawi­ṭhaihna awm lo se a duh thu sawiin, "Hlauhthawn­awm záwngin mi dangte hrilh lo a, Prime Minister duh dan anga a tam thei ang berin vaccine lak hi kan tih tur a ni tih kan hriat a ngai," a ti a; sorkar laipui aṭangin vaccine an hmuh ṭhat thu a sawi.

Ambulance inhlan­naah hian HFW Board vice chairman Dr ZR Thiamsanga, MLA bakah, additional chief secretary JC Ramthanga leh sorkar official dangte an tel a ni.