COVID-19: Mizoram dinhmun : Ni 2 chhungin hri vei 112 hmu

April 16, Zirtawpni khan Mizoramah Covid-19 vei mi 62 hmuh chhuah a ni a, thla nga vel chhunga hmuh tam ber ní a ni. April 17, Inrinni khan hripui vei mi 50 hmuh chhuah leh a ni bawk a; ni hnih chhungin mi 112 hmuh a ni. Inrinni khan mi 12 leh nimin khan mi 15 chhuahtir an ni thung.

Covid-19 vei April 16-a hmuh chhuahte chu mipa 44 leh hmeichhia 18 an ni a, ZMC laboratory-a hmuh mi 12, TrueNAT-PCR hmanga hmuh mi 23 leh RAT hmanga hmuh mi 27 an ni. Inrinnia hmuh chhuahte chu mipa 27 leh hmeichhia 23 an ni a, ZMC-a hmuh mi 18, TrueNAT-PCR-a hmuh mi pakhat leh RAT hmanga hmuh mi 31 an ni.

April 16-a hripui vei hmuh chhuah mi 62 hi November 20, 2020 hnua ni khata hmuh chhuah tam ber a ni a, nikum November 20 khan mi 66 hmuh chhuah a ni.

Mizoramah Covid-19 vei mi 4,859 hmuh chhuah a ni tawh a, mipa 3,465 leh hmeichhia 1,394 an ni. Nimin tlai dar 5 thleng khan mi 4,509 (92.79%) chhuahtir an ni tawh a, mi 12 (0.25%) thi tawhin, enkawl mek mi 338 (6.96%) an awm.

April 16, Zirtawpni khan ZMC laboratory-ah swab sample 345, TrueNAT-PCR hmangin district pangaah sample 112 leh RAT hmangin district 10-ah sample 1,612 endik a ni a; sample endik zawng zawng chu 2,069 (mipa 1,292 leh hmeichhia 777) niin, chu'ng aṭanga hripui vei hmuh 62 chu 3.04% a ni.

Zirtawpnia Covid-19 vei hmuh chhuah mi 62 zinga mi 21 chu Mizorama kái chhâwng nia hriat niin, mi 41 chu state páwn aṭanga rawn lut hlim leh tun hnaia rawn lutte an ni a; tualchhunga kái mi 21 zingah kàina hriat loh pariat an awm. Covid-19 natna lang chhuak mi 18 an awm bawk.

April 17-ah ZMC-ah sample 306, TrueNAT-PCR hmangin district pathumah sample 29 leh RAT hmangin district pariatah sample 1,745 endik a ni a; sample endik zawng zawng chu 1,745 (mipa 1,117 leh hmeichhia 628) niin, chu'ng aṭanga hripui vei hmuh 50 chu 2.90% a ni.

Inrinnia hripui vei hmuh chhuah mi 50 zinga mi 30 chu tualchhunga kái chhâwng nia hriat niin, mi 20 chu state páwn aṭanga rawn lut hlim leh tun hnaia rawn lutte an ni a; tualchhunga kái mi 30 zingah kàina hriat loh pakua an awm. Covid-19 natna lang chhuak mi 16 an awm bawk.

Hripui laka fihlim tawh mi 12 chu Inrinni khan enkawlna hmun aṭangin chhuahtir an ni a; Kolasib CCC aṭangin mi pakhat leh Durtlang BSUP CCC aṭangin mi 11 an chhuak. Nimin khan mi 15 chhuahtir an ni a; Durtlang BSUP CCC aṭangin mi pakua, Champhai CCC aṭangin mi pali leh Hnahthial CCC aṭangin mi pahnih an chhuak a ni.

IDSP Bulletin tarlan danin, April 11, 2021 thlengin Mizoramah swab sample 2,74,993 endik a ni tawh a, chu'ng aṭanga Covid-19 positive hmuh tawh zat 4,859 chu 1.77% a ni. Hripui vei hmuh tawh zinga mi 2,309 chu Mizoram chhunga kái chhâwng an ni a, mi 2,550 chu Mizoram páwn aṭanga an rawn luh hnua hmuh chhuah an ni thung.

COVID-19 VEI HMUH CHHUAH THARTE
April 16-a hmuh chhuah
ZMC LABORATORY-A HMUH (M-5, H-7)
Bawngkawn - 1: Mipa kum 18 leh hmeichhia kum 42 & 45; positive nen inkungkaihna nei, symptom nei lo.
Chhinga Veng - 2: Mipa kum 21 & hmeichhia kum 35; hmeichhia positive contact, symptom nei lo. Mipa April 14-a ram páwn aṭanga haw, symptom nei lo.
Chawlhhmun - 1: Mipa kum 30, chanchin kimchang tarlan loh.
Damveng - 1: Mipa kum 43, positive contact nei, inkhung lai, symptom nei lo.
Govt. Complex - 1: Hmeichhia kum 35, April 11-a Mumbai aṭanga haw, inkhung lai, symptom nei lo.
Kanan Veng - 2: Hmeichhia kum 29 & 55, positive nen inkungkaih vanga inkhung lai, symptom nei lo.
Tlangnuam - 2: Mipa kum 34 & hmeichhia kum 27; positive contact nei, inkhung lai, symptom nei lo.

TRUENAT-PCR-A HMUH (M-22, H-1)
2nd Bn MAP - 21: Mipa kum 23-56 inkar, Mizoram police, Assam inthlanpuia duty zo haw, inkhung lai, symptom nei lo vek.
Chawngte - 2: Mipa kum 28 & hmeichhia kum 24; April 9-a Delhi aṭanga haw, Chawngte thlen hnuah mipain symptom a neih vangin inentir turin Lungleiah an kal, hmeichhiain symptom a nei lo.

RAT HMANGA HMUHTE (M-17, H-10)
Kanan Veng - 1: Hmeichhia kum 24, inrinhlelh vanga sample endik, symptom nei.
Armed Veng South - 2: Mipa kum 38 & hmeichhia kum 58, nufa; nu zawk symptom neih vanga sample endik, mipain symptom a nei lo. Hri kàina hriat loh.
Ramhlun North - 1: Hmeichhia kum 29, positive contact nei, symptom nei.
Tanhril - 1: Hmeichhia kum 67, symptom neih vanga sample endik, hri kàina hriat loh.
Damveng - 1: Mipa kum 38, positive contact neih vanga April 14-a RT-PCR-a endiknaa negative, a hnua symptom neih vanga RAT-a endik leha positive.
Republic Veng - 2: Hmeichhia kum 22 & 23. Kum 22 mi April 11-a Delhi aṭanga haw, symptom a neih vanga sample endik; Kum 23 mi April 14-a Hyderabad aṭanga haw, Lengpui Airport-a RAT negative tawh, a hnua symptom neih vanga endik lehnaa positive.
Lunglei Venglai - 1: Hmeichhia kum 23, April 14-a Hyderabad aṭanga haw, Airport-a RAT negative, a hnua symptom neih vanga endik lehnaa positive.
Kulikawn - 1: Mipa kum 39, April 14-a Delhi aṭanga haw, symptom neih vanga sample endik.
Diltlang - 1: Hmeichhia kum 20, Venghnuaia awm, symptom neih vanga sample endik, hri kaina hriat loh.
Hlimen - 1: Mipa kum 21, kàina hriat loh, symptom nei lo.
Ramthar North - 2: Hmeichhia kum 29 & a fanu thla 7; nautê-in symptom a nei, hri kàina hriat loh.
Champhai Venglai - 1: Mipa kum 55, positive contact nei, symptom nei.
Vairengte Screening - 1: Mipa kum 16, Guwahati aṭanga haw, symptom nei lo.
Lungkawlh - 1: Mipa kum 54, April 15-a Aizawl aṭanga haw, symptom neih vanga endik, hri kaina hriat loh.
Chhingchhip - 2: Mipa kum 13 & 14, Sainik School-a zirlai, school hostel room khata chêng dun, pakhat zawk April 8-a Haryana aṭanga rawn lut, a hnua symptom neih vanga endiknaa positive; pakhat zawk symptom nei lo.
Zorinpui - 8: Mipa kum 19-55 inkar, RK-RPP Constructions hnuaia thawk, positive contact nei, symptom nei 3 an awm.

April 17-a hmuh chhuahte
ZMC LABORATORY-A HMUH (M-6, H-12)
Kanan Veng 3: Mipa kum 28 leh hmeichhia kum 34 & 42; positive contact nei, symptom nei lo.
Armed Veng South - 1: Hmeichhia kum 21, positive contact nei, symptom nei lo.
Bawngkawn South - 4: Mipa kum 7, 24 & 63 leh hmeichhia kum 31; positive contact nei, symptom nei lo vek.
Bethlehem Veng - 3: Mipa kum 47 leh hmeichhia kum 30 & 66; positive contact nei, symptom nei lo.
Chanmari - 1: Mipa kum 55, positive contact nei, symptom nei lo.
Chhinga Veng - 2: Hmeichhia kum 26 & 27 mi; kum 26 mi Karnataka aṭanga April 12-a haw, kum 27 mi positive contact nei; symptom nei lo ve ve.
Mission Vengthlang - 2: Hmeichhia kum 6 & 24, positive contact nei, symptom nei lo.
MZU - 2: Hmeichhia kum 22 & 26, positive contact nei, symptom nei lo.
TRUENAT-PCR-A HMUH (M-1)
Serchhip Vengchung - 1: Mipa kum 38, positive contact nei, symptom nei.

RAT HMANGA HMUH (M-20, H-11)
Electric Veng - 1: Hmeichhia kum 27, Allahabad aṭanga haw, Lengpui Airport-a endik, symptom nei.
Ṭhuampui - 1: Mipa kum 39, Delhi aṭanga haw, Airport-a endik, symptom nei lo.
Zemabawk - 1: Hmeichhia kum 21, Delhi aṭanga haw, Airport-a endik, symptom nei.
Lunglei - 3: Mipa kum 23 & 32 leh hmeichhia kum 22; Chennai, Delhi leh Kolkata aṭanga haw, Airport-a endik, hmeichhiain symptom a nei.
Kolasib - 1: Mipa kum 15, Delhi aṭanga haw, Airport-a endik, symptom nei lo.
Serchhip - 1: Hmeichhia kum 21, Delhi aṭanga haw, Airport-a endik, symptom nei.
Saitual - 1: Mipa kum 21, Delhi aṭanga haw, Airport-a endik, symptom nei lo.
Keifang - 1: Mipa kum 27, Delhi aṭanga haw, Airport-a endik, symptom nei lo.
Damveng - 1: Mipa kum 68, positive contact nei, symptom nei.
Govt. Complex - 1: Mipa kum 45, UP aṭanga haw, symptom neih vanga endik.
Dawrpui Vengthar - 1: Mipa kum 27, April 16-a Silchar aṭanga haw, a hnua symptom neih vanga endik.
Bawngkawn - 1: Mipa kum 58, April 10-a Shillong aṭanga haw, symptom nei lo.
Tuikual South - 1: Mipa kum 14, positive contact nei, symptom nei.
Dawrpui - 1: Hmeichhia kum 67, symptom neih vanga sample endik, hri kaina hriat loh.
Siaha - 1: Mipa kum 32, April 14-a Delhi aṭanga thleng, a hnua symptom neih avanga sample endik.
Mission Veng - 2: Mipa kum 33 leh hmeichhia kum 26. Hmeichhia April 14-a Delhi aṭanga haw, symptom nei lo; mipa zawk kaina hriat loh, symptom nei lo.
Mission Vengthlang - : Hmeichhia kum 54, symptom neih vanga sample endik, hri kaina hriat loh.
Muallungthu - 2: Mipa kum 32 & hmeichhia kum 34; April 10-a lehlánga Silchar-a kal, kar khat hnua sample endik, symptom nei lo.
Zuangtui - 1: Hmeichhia kum 57, hri kaina hriat loh, symptom nei lo.
ITI Veng - 1: Hmeichhia kum 52, hri kaina hriat loh, symptom nei lo.
Lengpui - 1: Mipa kum 36, positive contact nei, symptom nei.
Saikhamakawn - 1: Mipa kum 34, kaina hriat loh, symptom nei lo.
Chanmari West - 2: Mipa kum 55 & hmeichhia kum 58; kaina hriat loh, symptom nei lo ve ve.
Champhai Vengthar - 1: Mipa kum 59, hri kaina hriat loh, symptom nei.
Kanhmun Screening - 1: Mipa kum 18, Tripura aṭanga Luimawia kal tur, symptom nei lo.
Kanan Veng - 1: Mipa kum 18, Guwahati aṭanga haw, Vairengte screening-a endik, symptom nei lo.